Comune di Santa Giusta

Sito ufficiale dell’amministrazione comunale di Santa Giusta

Salta la barra di navigazione e vai ai contenuti

Community

via Garibaldi 84 09096 (OR)
tel. 0783 35451
fax 0783 354535
Scrivi al Comune
p.iva 00072260953

Webmail

Home > Comune > Isportellu Limba Sarda > Ischedas linguìsticas

Ischedas linguìsticas

Santajustesu

Sa citadi de Santa Justa, in provìncia de Aristanis, po s’aspetu linguìsticu, fait parti de sa zona de sa Sardigna innui si fueddat sa variedadi campidanesa.
Posta unu pagu a bàsciu de sa citadi de Aristanis, Santa Justa presentat caraterìsticas tìpicas sia de is fueddadas de is biddas de su Campidanu aristanesu, sia de cussas de is biddas de sa zona de Terraba e po unus cantus tretus puru caraterìsticas comunas a is fueddadas de sa Marmidda.

Is diferèntzias prus mannas intra de una variedadi e de s’atra de sa lìngua sarda funt su prus de tipu fonèticu, est a nai de sa pronùncia de is fueddus.

Una caraterìstica tìpica de is fueddadas de su Campidanu aristanesu est sa de tenni una mobilidadi e una instabilidadi manna de su sistema vocàlicu e cunsonànticu respetu a is atras fueddadas campidanesas, chi benit de s’aparada custanti a is influèntzias de is fueddadas lacanantis sia meridionalis chi setentrionalis de s’isula, e puru a infruèntzias de sa lìngua italiana.

Po s’aspetu morfològiucu e de sa grammàtica sa fueddada de Santa Justa no est diversa meda de is atras variedadis de Sardigna.

Limba Sarda Comuna

Sa tzitade de Santa Justa, in provìntzia de Aristanis, pro s’aspetu linguìsticu, faghet parte de sa zona de Sardigna inue si faeddat sa variedade campidanesa.
Posta unu pagu a giosso de su capulogu Aristanis, Santa Justa presentat caraterìsticas tìpicas sia de sas faeddadas de sas biddas de su Campidanu aristanesu, sia de cussas de sas biddas de sa zona de Terralba e pro unos cantos aspetos fintzas caraterìsticas comunas a sas faeddadas de sa Marmidda.

Sas diferèntzias prus mannas tra una variedade e s’àtera de sa limba sarda funt prusatotu de tipu fonèticu, est a narrere de sa pronùntzia de sas paràulas.

Una caraterìstica tìpica de sas faeddadas de su Campidanu aristanesu est sa de tènnere una mobilidade e una instabilidade manna de su sistema vocàlicu e cunsonànticu cunforma a sas àteras faeddadas campidanesas, chi benet dae s’aparada custante a sas infruèntzias de sas faeddadas lacanantes sia meridionales chi setentrionales de s’isula, e fitzas a infruèntzias de sa limba italiana.

Pro s’aspetu morfològicu e de sa grammàtica sa faeddada de Santa Justa no est diversa meda de sas àteras variedades de Sardigna.